Meta nuk po i dekreton 2 ministrat kosovarë, shkak Beogradi dhe Athina

Presidenti i Shqipërisë, Ilir Meta, akoma nuk ka dekretuar dy nga ministrat që janë emëruar në Qeverinë Rama para disa ditësh, bëhet fjalë për ministrin e ri Gent Caka në krye të ministrisë për Evropën dhe Punët e Jashtme, dhe Besa Shahini, në krye të Ministrisë së Arsimit Sporteve dhe Rinisë, transmeton Gazeta Metro.

Duket se arsyeja kryesore për mos dekretimin e tyre po del të jetë Serbia dhe Greqia, kështu të paktën ka deklaruar Avokati Spartak Ngjela.

Ai ka fajësuar Presidenti Meta duke thënë se me këtë dy ministra kosovarë nuk pajtohet vetëm Beogradi dhe Athina, transmeton Gazeta Metro.

“Pse po heziton presidenti Meta në dekretimin e ministrave shqiptarë që vinë nga Kosova?Ajo që pranohet më shumë është se nuk e lejojnë Athina dhe Beogradi……Po kjo që po bën Meta me dektetimin e vonuar të ministrave që janë shqiptarë të Kosovës, me shitjen e interesit kombëtar ka lidhje?Për hallin që ka Meta të shtyn të mendosh se dekretimin e tyre nuk e dëshiron Beogradi dhe Athina”, tha Ngjela

Dy elementët që bien në sy në vendimin e Kreut të Shtetit, fakti që nga 8 ministra që largohen ai ka firmosur shkarkimin e të gjithëve, me përjashtim të ministrit të Jashtëm, Ditmir Bushati. Po ashtu, nga 9 emrat e rinj, përfshirë postin e ri të Ministrit për Marrëdhëniet me Parlamentin, ai ka dekretuar vetëm 4 prej tyre./Periskopi