5 orë më parëMësohet nëse Komandant Remi kthehet në Kosovë, pas intervistimit
Periskopi(7 vite më parë)
(7 vite më parë)Zyra e Prokurorit të Specializuar të Kosovës, në Hagë, ka përfunduar sot marrjen në pyetje të ish-komandantit të Ushtrisë Çlirimtare të Kosovës, Rrustem Mustafa, i njohur si Remi. Ish-eprori i UÇK’së në zonën e Llapit tani do të kthehet në Kosovë. Këtë e ka konfirmuar ekipi i avokatëve mbrojtës të Remit. “Po, Remi do të kthehet në […]
Zyra e Prokurorit të Specializuar të Kosovës, në Hagë, ka përfunduar sot marrjen në pyetje të ish-komandantit të Ushtrisë Çlirimtare të Kosovës, Rrustem Mustafa, i njohur si Remi.
Ish-eprori i UÇK’së në zonën e Llapit tani do të kthehet në Kosovë.
Këtë e ka konfirmuar ekipi i avokatëve mbrojtës të Remit.
“Po, Remi do të kthehet në Kosovë”, thuhet shkurt në përgjigjen e mbrojtjes së Remit për Express.
Nuk dihet nëse Remi do të thirret prapë nga Zyra e Prokurorit të Specializuar.
Ish-komandanti i UÇK’së është deklaruar para gazetarëve, pas përfundimit të marrjes së tij në pyetje, në Holandë.
“Sot përfundoi intervista pranë Dhomave të Specializuara të Gjykatës në Hagë”, është shprehur Mustafa, në mbrëmjen e së martës.
“Unë isha i ftuar si dëshmitar i dyshuar”, ka thënë ish-komandanti i UÇK’së. “Ka qenë intervistë e gjatë. Sot përfundoi”, ka shtuar ai.
“Pyetjet ishin shumë serioze. Kemi qenë edhe ne shumë seriozë gjatë përgjigjeve. Dhe, sapo përfunduam”, ka përfunduar Remi.
Marrja e tij në pyetje në Hagë ka zgjatur rreth nëntë orë.
