Kosova prezantohet në Emiratet e Bashkuara Arabe

Përfaqësuesit e Ministrisë së Tregtisë dhe Industrisë (MTI), të kryesuar nga shefi i Kabinetit të Ministrit të MTI-së, Durim Limaj; së bashku me ushtruesin e detyrës së Drejtorit të përgjithshëm të KIESA-s, Nol Buzhala dhe udhëheqësin e Sektorit për Promovim të Investimeve, Kreshnik Thaqi, morën pjesë në Forumin Ekonomik të realizuar me datën 16.01.2019 në Emiratet e Bashkuara Arabe (EBA), që është organizuar nga Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë (KIESA) dhe në bashkëpunim me Ministrinë e Punëve të Jashtme, Ambasadën e Republikës së Kosovës në Abu Dhabi, Oden Ekonomike të Kosovës dhe Oden për Tregti dhe Industri të Sharjah.

Përfaqësuesit e bizneseve pjesëmarrëse nga EBA u njoftuan për shërbimet Ministrisë së Tregtisë dhe Industrisë, aftësitë konkurruese të ndërmarrjeve kosovare si dhe mundësitë për investime në Kosovë dhe bashkëpunimit që mund të ndërlidhen ndërmjet bizneseve dhe qeverive te të dy vendeve. Një prezantim i detajuar mbi kushtet dhe potencialet e investimeve është realizuar nga përfaqësuesit e KIESA.

Në këtë forum kanë marrë pjesë një numër i madh i përfaqësuesve të bizneseve të EBA si dhe përfaqësues të bizneseve nga Kosova. Njëkohësisht pas prezantimeve të institucioneve nga të dyja vendet, forumi ka vazhduar me realizimin e takimeve B2B ndërmjet bizneseve te të dyja vendeve si dhe takime G2B.

Përmes ftesës publike të bërë nga ana e përfaqësuesve të Odës për Tregti dhe Industri të Sharjah, bizneset kosovare kanë vizituar panairin më të madh të sektorit të makinerisë prodhuese dhe pajisjeve përcjellëse, i cili ka filluar më 14 e deri më 17 janar 2019, në Sharjah të EBA-së. Me këtë rast, bizneseve kosovare iu është dhënë mundësia që të realizojnë kontakte direkte si dhe të përcjellin mesazhin dhe gatishmërinë e bashkëpunimit të ndërsjellë