3 orë më parëKMDLNJ: Greva në arsim do të ketë efekte negative për nxënësit
Periskopi(7 vite më parë)
(7 vite më parë)Këshilli për Mbrojtjen, të Drejtat dhe Liritë e Njeriut përmes një komunikate për media ka reaguar ndaj grevës së SBASHK-ut. KMDLNj thotë se mbron të drejtën e organizimit sindikalist dhe grevën si mundësi për arritjen e qëllimeve për përmirësimin e kushteve të punëtorëve të arsimit, në rast se shterren të gjitha mundësitë tjera e që […]
Këshilli për Mbrojtjen, të Drejtat dhe Liritë e Njeriut përmes një komunikate për media ka reaguar ndaj grevës së SBASHK-ut.
KMDLNj thotë se mbron të drejtën e organizimit sindikalist dhe grevën si mundësi për arritjen e qëllimeve për përmirësimin e kushteve të punëtorëve të arsimit, në rast se shterren të gjitha mundësitë tjera e që mund të realizohen përmes dialogut me autoritetet përgjegjëse, në rastin konkret me MASHT-in dhe Qeverinë e Kosovës.
Megjithatë, KMDLNj, vlerëson se nuk janë shfrytëzuar të gjitha mundësitë e dialogut dhe se greva do të prodhojë efekte negative sidomos për fëmijët parashkollorë dhe nxënësit e shkollave fillore dhe të mesme si edhe për personelin arsimorë (mësimdhënësit) sikur edhe për prindërit.
“Kërcënimi i SBASHK-ut se kjo grevë mund të zgjasë për muaj të tërë nënkupton se ky vit shkollorë mund të jetë i humbur për nxënësit e që do të ishte dëm i madh dhe i pariparueshëm për nxënësit. Kërkesa për grevë që mund të zgjasë për muaj të tërë, në fakt është përpjekje të legalizohet kushtëzimi për arritjen e qëllimeve dhe si i tillë është i papranueshëm dhe i dëmshëm”, thuhet në reagimin e KMDLNJ-së.
KMDLNJ thekson se SBASHK-u dhe Qeveria e Kosovës duhet të dialogojnë për të gjetur një zgjidhje të pranueshme për të dyja palët, gjithnjë duke pasur parasysh mundësitë buxhetore të qeverisë si dhe nevojat e arsyeshme të mësimdhënësve për përmirësimin e statusit të tyre material.
Pas kësaj greve e cila nuk ka afat të caktuar, KMDLNj pyet se si do të kompensohen orët e humbura dhe KMDLNj do të kundërshtojë fuqishëm kompensimin e këtyre orëve gjatë pushimeve të fundjavës, festave apo pushimeve të parapara sepse sipas kësaj organizate, nxënësit nuk janë fajtorë për këto humbje dhe përgjegjësia bie mbi ata që kontribuojnë humbjen e orëve përkatësisht mbi SBASHK-un.
KMDLNj ka shtuar se i janë drejtuar prindër që i dërgojnë fëmijët me pagesë në entet parashkollore (çerdhe) duke kërkuar që për aq kohë sa çerdhet nuk ofrojnnë shërbime për fëmijët e tyre, aq kohë të lirohen nga pagesa për çerdhe për faktin që e konsiderojnë se është e padrejtë të paguajnë për shërbime që nuk iu ofrohen.
