I moshuari që rënkonte u soll me ambulancë në Emergjencë – Në QKUK s’e ndalën, e lanë në gjendje të rëndë t’i pres familjarët në korridor

Sipas SHSKUK’së, pacienti në fjalë ishte sjellur me autoambulancë në QKUK. Por përkundër gjendjes së rëndë, i moshuari nuk është ndalur në spital apo edhe edhe të qëndrojë në ndonjë dhomë brenda. Sipas pamjeve të publikuara, pacienti rënkonte korridoreve nga dhimbjet e mëdha.

“Zyra e Drejtorit të Përgjithshëm të SHSKUK-së,  dëshiron të sqaroj opinionin në lidhje me rastin të moshuarit, filmimet e të cilit kanë dalë mbrëmë në media. Mjekët kujdestarë në Klinikën Emergjente me datë 16.01.2019,  në bazë të raporteve mjekësore dëshmojnë për trajtimin e pacientit me inicialet A.E.  I njëjti është pranuar, diagnostifikuar dhe në të njëjtën kohë janë konsultuar shërbimet subspecialistike.  Pacienti fillimisht është sjellë me autoambulancë nga Mitrovica, për në Klinikën Emergjente në Prishtinë”, thuhet në reagim

“Pacienti A.E. është kontrolluar edhe në Klinikën Emergjente disa herë brenda kohës sa ka qëndruar në Klinikën Emergjente dhe të njëjtit i janë dhënë edhe këshilla të mëtutjeshme mjekësore. Pacienti ka qëndruar në Klinikën Emergjente edhe për një kohë pas trajtimit për shkak se është pritur që të vijë ndonjë i afërm ta marrë”, thuhet në kumtesë.

Sipas këtij njoftimi, kjo nuk është hera e parë që pacienti A.E. merr ndihmë mjekësore në Qendrën Klinike Universitare të Kosovës.

“Në muajin tetor të vitit 2018, i njëjti është shtrirë për disa ditë edhe në Klinikën e Kardiologjisë në QKUK ku ka marrë të gjithë trajtimin e nevojshëm mjekësor. Të gjithë këto dëshmi të mjekëve i vërtetojnë edhe pamjet e kamerave të sigurisë”, përfundon ky reagim.

Në QKUK ka javë që zhvillohet edhe greva prej mjekëve, të cilët kërkojnë rritje pagash. Kjo është konsideruar edhe arsyeja pse i moshuari është gjetur në atë gjendje në korridore.

Ja pamjet:

https://www.facebook.com/Llapi.info/videos/304511706937187/

https://www.facebook.com/milazim.havolli.54/videos/2264932620410729/