Hoti: Në 2007 ftuam PDK-në ta bëjmë shtetin e Kosovës me dialog, tani ata po na ftojnë ne që ta zhbëjmë

Shefi i grupit parlamentar të Lidhjes Demokratike të Kosovës (LDK), Avdullah Hoti, ka reaguar përmes një postimi në Facebook rreth debatit të mos përfshirjes së partisë së tij në ekipin për dialog.

Hoti ka thënë se kur LDK ishte në Qeveri, gjatë viteve 2006-07 e pati ftuar PDK-në asokohe në opozitë të bëhet pjesë e bisedimeve në Vjenë, për të bërë shtetin e Kosovës, dhe PDK tani po e fton LDK-në për tu bërë pjesë e një procesi që e rrezikon shtetin e Kosovës.

Ja postimi i plotë i tij në Facebook:

Te mos harrojme se ne vitin 2006-2007, LDK-ja, atehere ne qeveri, e ka ftuar PDK-ne, qe ishte ne opozite, ne dialogun e Vjenes per te bere shtetin e Kosoves bashke me partneret nderkombetare.
Nderkaq, tani PDK-ja nga qeveria po e fton LDK-ne, qe eshte ne opozite, per te rishikuar shtetin e Kosoves, pasi Serbia nuk po na njeh.
Kjo nuk do te ndodhe. Shtetesia e Kosoves, integriteti territorial dhe karakteri unitar i shtetit te Kosoves nuk do te rishikohet per arsye se Serbia nuk na njeh. Nje toke e mbrojtur me lufte nga populli i Kosoves, mbeshtetur nga miqte nderkombetare, nuk mund te negociohet ne tavoline.