8 orë më parëFlet Qeveria: Ende nuk kemi përgjigje zyrtare nga Ambasada Amerikane rreth vizës së kryeministrit
Periskopi(7 vite më parë)
(7 vite më parë)Zyra e kryeministrit të Kosovës në një përgjigje të dhënë për Periskopin, ka thënë se ende nuk kanë përgjigje zyrtare sa i përket refuzimit apo jo të vizës amerikane të kryeministrit Ramush Haradinaj. Al Jazeera ka raportuar sot me burime të Departamentit Amerikan të Shtetit, se Haradinajt i është refuzuar viza si sanksion për mos […]
Zyra e kryeministrit të Kosovës në një përgjigje të dhënë për Periskopin, ka thënë se ende nuk kanë përgjigje zyrtare sa i përket refuzimit apo jo të vizës amerikane të kryeministrit Ramush Haradinaj.
Al Jazeera ka raportuar sot me burime të Departamentit Amerikan të Shtetit, se Haradinajt i është refuzuar viza si sanksion për mos heqje të taksës ndaj Sberisë dhe Bosnjë dhe Hercegovinës. Madje u raportuar se SHAB i ka dhënë Qeverisë një ultimatum deri më 21 janar që të heqë taksën 100 për qind të vënë ndaj produkteve serbe dhe të BiH.
Mirëpo zëdhënësja e Qeverisë, Donjeta Gashi, i tha Periskopit se ende nuk kanë asnjë përgjigje zyrtare nga Ambasada Amerikane në lidhje me vizën e kryeministrit.
“Ende nuk kemi përgjigje zyrtare dhe kryeministri edhe po që se do shkonte e ka pasur të planifikuar të merr pjesë vetëm në lutjet e mëngjesit”, ka thënë Gashi për Periskopin.
Duke demantuar lajmin se Haradinaj ka qenë i ftuar të marrë pjesë në konferencën e Ballkanit Perëndimor në Uashington që mbahet me 6 shkurt të këtij viti. /Periskopi
