Erolld Belegu bën thirrje të mos iu nënshtrohemi ndërkombëtarëve

Erolld Belegu, këshilltari i kryeministrit, Ramush Haradinaj, gjatë një debati televiziv sot ka komentuar për kërkesën e ndërkombëtarëve për ta hequr taksën 100 për qind të vendosur ndaj produkteve të Serbisë dhe atyre të Bosnjës dhe Hercegovinës. Belegu ka thënë se jo çdoherë duhet të iu nënshtrohen kërkesave të ndërkombëtarëve.

Sipas Belegut, kjo taksë e ka dëmtuar shumë Serbinë sepse përmes gjitha mënyrave ky shtet u mundua që të loboj për largimin e kësaj takse e deri të kushtëzimi për dialog.

“Por, kjo, nuk është hera e parë e kësaj politike. Në një mënyrë ju kemi nënshtru kërkesave të bashkësisë ndërkombëtare. Mbrojtja e interesave tona nuk do të thotë që do të jetë çdo herë në vijë të partnerëve ndërkombëtarë. Natyrisht se kjo është kërkesë e shteti amerikan dhe nuk është që Qeveria është “shurdhe”, por deri këtë moment vlerësojmë se kjo është mënyra e vetme që Serbia të detyrohet për përfundimin e dialogut me Kosovën. Ajo carë mendojë se pas SHBA-së dhe Evropës është se Kosova dëshiron ta stagnojë dialogun, por kjo nuk është e vërtetë”, ka thënë ai për T7.

Belegu theksoi se taksa është mënyra më e mirë që Serbia të ulet dhe me neve dhe të bisedojë.

“Unë s’po them që duhet të kundërshtojmë SHBA-në. Por, me forcën e argumenteve mund të dëshmojmë se Serbia duhet të futet në biseda”, është shprehur ai. /Periskopi