3 orë më parëAvokatët e Kosovës ultimatum Këshillit Gjyqësor, kërcënojnë me bojkot
Periskopi(7 vite më parë)
(7 vite më parë)Rekomandimi i Këshillit Gjyqësor të Kosovës për ndalim të gjithë avokatëve të hyjnë në objekte gjyqësore pa ftesa, ka bërë që Oda e Avokatëve të mbajë mbledhje të jashtëzakonshme dhe ka kërkuar që kjo urdhëresë të tërhiqet menjëherë, sepse përndryshe do të hyjnë në bojkot të përgjithshëm. Pas kësaj mbledhje, kryetari i Odës së Avokatëve […]
Pas kësaj mbledhje, kryetari i Odës së Avokatëve të Kosovës, Shaip Havolli tha se ky vendim është i pa pranueshëm dhe shkelje e parimit të qasjes në drejtësi.
Havolli, kërkoi se nëse deri më datën nëntë janar nëse nuk tërhiqet ky vendim, avokatët nuk do të hyjnë në asnjë institucion gjyqësor përfshi rastet penale, civile dhe administrative.
Havolli, ndër të tjera tha se rasti i ndodhur në qytetin e Prizrenit ka qenë i izoluar, ku ka pasur shkelje të avokatit, mirëpo pavarësisht kësaj, vendimi nuk është dashur të merret për të gjitha gjykatat e Kosovës.
Tutje, ai bëri të ditur se në lidhje me këtë vendim janë njoftuar të gjithë institucionet relevante, përfshi Këshillin Gjyqësor të Kosovës, Këshillin Prokurorial, zyrën e Kryeprokurorit dhe Ministrinë e Drejtësisë.
