5 orë më parëArsimi në grevë, por nxënësit nuk i ndahen kësaj shkolle të Prishtinës – Ia bëjnë oborrin pistë skijimi
Periskopi(7 vite më parë)
(7 vite më parë)Ka disa ditë që oborri i shkollës së mesme të ulët ‘Dardania’ në lagjen Dardania të Prishtinës është shndërruar në një pistë skijimi. Aty nuk po argëtohen vetëm fëmijët por edhe të afërmit e tyre të moshës madhore. Ndonëse të gjitha institucionet arsimore në Kosovë, të të gjitha niveleve, nga sot kanë nisur grevën për […]
Ndonëse të gjitha institucionet arsimore në Kosovë, të të gjitha niveleve, nga sot kanë nisur grevën për të mos vijuar mësimin në një afat të pacaktuar, nxënësit e ‘Dardanisë’ nuk po i ndahen ambientit të shkollës as gjatë kësaj periudhe.
Të reshurat e mëdha të borës që ndodhën javën e kaluar kanë bërë që të krijohet një zonë mjaft e përshtatshme për rrëshqitje në atë oborr. Përparësia e tyre është që edhe hapësira e jashtme e kësaj shkolle është mjaft e madhe për të kryer këtë aktivitet.
Periskopi ka siguruar pamje ku sonte shihen një numër i madh i fëmijëve duke skijuar. Madje po të kalosh andej, hapësira të ngjason në ndonjë pistë skijimi të Brezovicës.
Gjatë ditës së djeshme disa shkolla të Kosovës kundërshtuan grevën e organizuar nga SBASHK, megjithatë sot ndryshuan mendje dhe nuk zhvilluan mësimin.
Kujtojmë që SBAShK’u ka njoftuar se do të tërhiqen nga greva vetëm nëse ngritet 30%, koeficienti i mësimdhënësve për paga.
Madje kjo sindikatë përmes një letre ka apeluar për mirëkuptim për orët që do t’i humbasin nxënësit duke thënë se ndoshta do të humbasin mësimin edhe me muaj./Periskopi
