A beson Ramush Haradinaj në Zot?

Haradinaj ka thënë se beson se Zoti ka krijuar gjithësinë.

“Një fuqi diku ekziston”, është shprehur ai. Ai ka thënë se beson në Zotin si fuqi që qëndron mbi botën dhe drejton gjithçka.

Kryeministri i Kosovës, Ramush Haradinaj, ka folur për shërbimin e tij në ushtrinë e ish-Jugosllavisë.

Haradinaj ka rrëfyer edhe për kohën kur se si ushtar ka qëndruar në qytetin e Pirotit, në juglindje të Serbisë.

“Ushtar kam shkuar në Pirot. Si kam mbërritur, më kanë thirrur në bisedë informative”, ka treguar ai.

Arsyeja, ka thënë Haradinaj, ishte se ai vinte nga një familje e njohur, që kishte shumë njerëz nëpër burgje.

“Më thanë: ‘A po e sheh këtë lëndën këtu?’ Këtu shkruan gjithçka për familjen tënde. Kurrë s’keni qenë me Jugosllavinë, me vëllazërim-bashkimin. Jeni e keqja’”, ka treguar ai.

Kryeministri i vendit ka thënë t’i jenë paraqitur “dy mundësi” nga eprorët. “A po do të shërbesh me nder, e të kthehesh në shtëpi. Apo po do ne të tregojmë se çfarë të gjen?”, ka kujtuar Haradinaj t’i kenë thënë.

Shefi i ekzekutivit të vendit për T7 ka thënë se atje është munduar të bëhet “ushtar sa më i mirë”.

Ka treguar se në detyrat ushtarake kishte notat e mira.