21 shqiptarë nga Kosova e Shqipëria dënohen në Francë – plaçkitën 200 shtëpi

Gjykata në Francë ka dënuar 21 shqiptarë, mes tyre nga Kosova dhe Shqipëria, pasi është dëshmuar se të njëjtit kanë kryer rreth 200 plaçitje në pjesë të ndryshme të Francës, shkruan AFP, përcjell Periskopi. Avokatët mbrojtës të tyre, kanë kërkuar lirimin e klientëve të tyre, nën arsyetimin se ‘kur kanë kryer plaçkitjet, shtëpitë kanë qenë të zbrazura”. Mirëpo ky apelim i avokatëve mbrojtës nuk ka kryer punë. I gjithë grupi që kishte qenë i organizuar në Francë është dënuar me masa të ndryshme nga një deri në pesë vjet burg, shkruan Periskopi.

21 shqiptarë nga Kosova dhe Shqipëria janë dënuar për më shumë se 200 plaçkitje që kanë ndodhur në periudhën 2015 – 2017 në Francë.

Të akuzuarit për grabitje janë dënuar me nga një deri në gjashtë vjet burg nga Gjykata për Krime në Shën Etienne të Francës, shkruan AFP, transmeton Periskopi. Pesë nga të akuzuarit janë liruar në mungesë provash.

Avokatët mbrojtës të 19 shqiptarëve nga Shqipëria dhe shtatë kosovarëve të akuzuar, të cilët janë mes moshave 21 dhe 46 vjeç, kanë apeluar vendimin nën arsyetimin se ‘gjatë veprave që kanë kryer ata, shtëpitë kanë qenë të zbrazura”.

Për të dëshmuar kundër këtyre të rinjve shqiptarë në Francë, në proces gjyqësor kanë marrë pjesë 140 viktima nga 192 shtëpi sa janë plaçkitur, duke dëshmuar se të gjithë ‘i kanë parë këta njerëz’.

Sipas AFP’së, këta të rinj kishin edhe një bazë ku organizonin plaçkitjet dhe ajo ishte në një lokal në Loire./Periskopi/