5 orë më parëVuçiq: S’e pranojmë Limajn si kryenegociator, ka kryer krime të rënda kundër serbëve
Periskopi(8 vite më parë)
(8 vite më parë)Presidenti i Serbisë Aleksandar Vuçiq ka folur për një presion të madh, që sipas tij u është bërë deputetëve të Listës Serbe, për ta votuar ekipin e Qeverisë së Kosovës për të negociuar me Serbinë, që kryesohet nga Fatmir Limaj. Vuçiq, pa treguar se nga kush, ka thënë se një presion i paprecedent është ushtruar […]
Vuçiq, pa treguar se nga kush, ka thënë se një presion i paprecedent është ushtruar mbi Listën Serbe dhe lidershipin serb për ta përkrahur Limajn si kryenegociator të Kosovës me Serbinë, shkruan Periskopi.
Por thotë se këtë gjë nuk mund ta pranoj Serbia, pasi që, sipas tij, ekzistojnë aktakuza kundër Limajt për krime serioze kundër serbëve.
“Jam i sigurt se ju nuk e dini se çfarë ka ndodhur në 72 orët e fundit. Gjithçka filloi me presionin e madh dhe të paprecedent mbi deputetët e Listës Serbe e më pas mbi lidershipin serb për ta mbështetur Limajn si kryesues të ekipit negociator të Kosovës. Lista Serbe nuk deshi ta mbështesë Limajn. Këtu kam një dosje të Limajt ku akuzhet për krime serioze kundër njerëzve tanë”, ka thënë Vuçiq në një adresim publik.
Përndyshe, sot ka pasur zhvillime të papritura. Ishte paraparë që Kosova e Serbia të vazhdonin bisedimet për gjetjen e një marrëveshje finale, mirëpo në momentin e fundit Vuçiq është tërhequr në mënyrë protestuese nga takimi që do ta mbante me presidentin e Kosovës, Hashim Thaçi. /Periskopi/
