7 orë më parëThe Guardian: Maqedonët do t’i thonë ‘po’ ndryshimit të emrit – Përfshihet edhe Putin
Periskopi(8 vite më parë)
(8 vite më parë)Veri. Është veç një fjalë me katër shkronja, por në Maqedoni javëve të fundit i ka mbushur rreshtat e debateve, llafet nëpër kafene dhe faqeve të abuzimeve online, shkruan The Guardian, përkthen Periskopi. Referendumi në fund të muajit do t’i pyes qytetarët nëse janë të gatshëm t’i shtojnë atë fjalë emrit zyrtar të vendit, duke […]
Veri. Është veç një fjalë me katër shkronja, por në Maqedoni javëve të fundit i ka mbushur rreshtat e debateve, llafet nëpër kafene dhe faqeve të abuzimeve online, shkruan The Guardian, përkthen Periskopi.
Referendumi në fund të muajit do t’i pyes qytetarët nëse janë të gatshëm t’i shtojnë atë fjalë emrit zyrtar të vendit, duke u bërë nënshtetas të Republikës së Maqedonisë së Veriut.
Ndryshimi është pjesë e një marrëveshjeje mes Maqedonisë dhe Greqisë, e nënshkruar nga kryeministrat respektivë në qershor. Greqia e ka bllokuar për kohë të gjatë anëtarësimin e Maqedonisë në Nato dhe në Bashkimin Evropian, duke pretenduar që emri i fqinjit të saj ishte një marrje e papërshtatshme e rajonit grek të Maqedonisë.
Ministri i jashtëm maqedon thotë se tashmë është humbur një gjeneratë, dhe duhet pasur kujdes mos të humbet edhe një tjetër. “E kemi humbur një gjeneratë. Unë jam 45 vjeçar, dhe isha 18 kur Maqedonia u bë e pavarur. Në një farë mënyre ky është shansi ynë i dytë që t’ia dalim,” tha ai.
Kritikët e qeverisë thonë që pyetja në vetvete është manipulative sepse i lidhë emrin me anëtarësimin e Maqedonisë në BE, një gjë që zor se do të ndodhë.
Marrëveshja po kundërshtohet nga nacionalistët edhe në Greqi por edhe në Maqedoni – megjithëse, sondazhet tregojnë që qytetarët megjithatë do ta votojnë marrëveshjen.
Një problem i shtuar aktualisht është Rusia – e cila po e mbështet diskursin kundër votimit të emrit në Maqedoni. Madje, duke i bërë edhe më të fortë zërat kundër. /Periskopi
