6 orë më parëThaçi: S’mund të shkoj në Preshevë, jam i dënuar në Serbi dhe nuk dua të rrihem me policinë serbe si President
Periskopi(8 vite më parë)
(8 vite më parë)Presidenti i Kosovës, Hashim Thaçi ka folur për një vizitë të mundshme të tij në Luginën e Preshevës, pas vizitës në Kosovë të presidentit serb, Aleksandër Vuçiq, raporton Periskopi. Në një konferencë të përbashkët me përfaqësuesit e Luginës, Thaçi ka thënë se rrethanat tani janë ndryshe dhe se ai është i dënuar nga Serbia në […]
Në një konferencë të përbashkët me përfaqësuesit e Luginës, Thaçi ka thënë se rrethanat tani janë ndryshe dhe se ai është i dënuar nga Serbia në mungesë.
Thaçi tha se dënimi i tij nuk është falur nga Serbia, madje nuk ka bërë kërkesë për një gjë të tillë.
“Kam vizituar Luginën e Preshevës, kam qëndruar dhe kam pasur bashkëveprimtarë nga Lugina e Preshevës. I njoh shumë mirë, edhe në terrenin fizik, dhe jetoj me preokupimet e tyre, andaj do ta shtyjë përpara çështjen e bashkimit. Kur e kam vizituar unë në kohë të rënda që kalonte Kosova, nuk i e kam vizituar me leje të Serbisë, por kam qenë aty në përpjekjet për të drejta më të mëdha të Preshevës. Tash jemi në rrethana tjetra. E dini se jam i dënuar nga Serbia me mungesë. Atë dënim Serbia nuk ma ka fal, as nuk kam kërkuar. Jam president dhe ashtu dua të sillem”, ka thënë Thaçi.
Tutje, ai tha se nuk do të marrë vendim që të ballafaqohet me policët serbë fizikisht.
“Kur ka qenë koha jam ballafaqu, e kemi fitu. Edhe përfaqësuesit e Preshevës më ftuan ta vizitojë, por Beogradi nuk e sheh të dobishme prezencën time atje. Nuk kemi ba kërkesë për vizitë, pasi e di përgjigjen e tyre. Pavarësisht se a e vizitoj a jo, do të punoj ngushtë me ta. Ata që mund ta vizitojnë, duhet të shkojnë më shpesh atje, me qëllim mbështetës”, ka thënë tutje ai./Periskopi
