6 orë më parëThaçi shkon te Gjukanoviqi për ta njoftuar për bisedimet me Vuçiqin
Periskopi(8 vite më parë)
(8 vite më parë)Kryetari i Malit të Zi, Milo Gjukanoviq, sot në bisedën me kryetarin e Kosovës, Hashim Thaçi, ka përshëndetur përpjekjet e Beogradit e të Prishtinës që të gjejnë zgjidhje paqësore për Kosovën përmes dialogut me ndërmjetësim të BE-së. Takimin e sotëm e ka iniciuar Thaçi me qëllimin që fqinjët t’i njohë me rezultatet e dialogut ndërmjet […]
Takimin e sotëm e ka iniciuar Thaçi me qëllimin që fqinjët t’i njohë me rezultatet e dialogut ndërmjet Prishtinës e Beogradit dhe me planet e mëtejme, theksohet në kumtesën e kabinetit të Gjukanoviqit, përcjell FoNet.
Gjukanoviq e ka falënderuar për këtë iniciativë Thaçin dhe ka përshëndetur përpjekjet e dy vendeve për zgjidhje paqësore të problemeve.
Ai ka shtuar se është i bindur se të dy palët do të kenë para sysh që rezultati të jetë kontribut i fuqishëm për stabilitetin e Ballkanit Perëndimor dhe nxitjes së tij për perspektivën evropiane.
Gjatë bisedave u fol edhe për nevojën e përparimit të mëtejmë të bashkëpunimit që është në dobi për të dy palët.
