6 orë më parëThaçi: Kur të jam i disponuar shkoj te Liqeni i Gazivodës
Periskopi(8 vite më parë)
(8 vite më parë)Presidenti i Kosovës, Hashim Thaçi është pyetur nga gazetarët se kur do të vizitojë Liqenin e Gazivodës, pas vizitës atje të presidentit serb, Aleksandër Vuçiq, raporton Periskopi. Thaçi ka thënë se ka qenë në veri edhe më herët dhe do të shkoj sa herë që është i disponuar ta bëjë një gjë të tillë. “Kam […]
Thaçi ka thënë se ka qenë në veri edhe më herët dhe do të shkoj sa herë që është i disponuar ta bëjë një gjë të tillë.
“Kam qenë në Veri edhe më herët edhe shkoj kur të jam i disponuar. Jam prej liderëve të vetëm që kam vizituar pikat kufitare me Serbinë, edhe më 2011 kur s’ka pas qasje institucionale të Kosovës atje. Shkoj kur te shoh të nevojshme e të arsyeshme”, ka thënë Thaçi.
Tutje, ai ka deklaruar se asnjë marrëveshje mes Kosovës dhe Serbisë nuk ka kuptim nëse nuk ka njohje reciproke mes dy vendeve.
“Asnjë marrëveshje nuk ka kuptim nëse nuk ka njohje reciproke, gjithçka tjetër është humbje kohe. Askush s’mund ta parashikojë datën e arritjes së marrëveshjes. Ne po përpiqemi mos t’i humbim edhe dy dekada por të arrijmë marrëveshje në këtë kohë sa është në Ballkan edhe fokusi I bashkësisë ndërkombëtare. Ka dialog mes shtetit të Kosovës dhe Serbisë, jo mes shqiptarëve e serbëve”, ka thënë tutje ai./Periskopi
