Thaçi: Aspak s’më pëlqen Vuçiqi, as unë atij

Presidenti i Kosovës Hashim Thaçi thotë se optimizmi i tij për të hapur temën e bashkëngjitjes së Luginës si tërësi të Kosovës, buron nga vullneti i qytetarëve.

Këto komente ai i ka bërë në tryezën e organizuar nga Institutio Demokratik i Kosovës me temën “ “Çfarë do të thotë korrigjimi i kufirit ndërmjet Kosovës dhe Serbisë?”.

“Bash me iu thënë shumë të drejtën, aspak nuk janë të lehta këto takime, janë shumë të randa. Janë raporte shumë të vështira dhe unë nuk e pëlqej fare Vuçiqin. Po është i zgjedhuri i popullit serb, pastaj nuk e besoj se ka ndonjë pëlqim në raport me presidentin e Kosovës apo respektit”, ka thënë Thaçi, shkruan Periskopi.

I pyetur se ‘prej kah e merr gjithë optimizimin për temën e Preshevës”, presidenti vec tjerash tha:

“Po flas për një territor që aktualisht është pjesë e Serbisë. Synoj që në kuadër të dialogut kjo pjesë t’i bashkangjitet Republikës së Kosovës. Tema e ndarjes, Republikës Srpska s’janë të miat, kjo është e qartë. Kemi një momentum edhe ndërkombëtar, momentum pozitiv për arrtitjen e një marrëveshje. Përshëndes pozicionin e SHBA’së, përshëndes bisedën mes Trump dhe Merkel. Vlerësoj pozicionimin e komisionerit Hahn dhe angazhimit të të gjithë akterëve tjerë për arritjen e marrëveshjes. Marrëveshja të cilën e përkrahin SHBA e Brukseli, i bjen taman Kosovës. Marrëveshja do ketë shpirt euroatlantik”, ka thënë ai, transmeton Periskopi.

Ai ka thënë se nuk ka ndonjë kohë të caktuar për arritjen e marrëveshjes, pork a shtuar se synohet të arrihet në pjesën e parë të pranverës së ardhshme.

“Nuk ka periudhë të caktuar kohore për arrtijen e marrëveshjes, por synohet që deri në pjesën e parë të paranveres së ardhshme të arrihet kjo marrëveshje. Do jetë shumë e vështirë, por optimizmi im buron nga vullneti i qytetarëve të Kosovës”, ka thënë ai./Periskopi/