Surroi: Tendenca e Thaçit për t’ia marrë Serbisë Preshevën, shkelje e rëndë e Kushtetutës

Publicisti dhe gazetari Veton Surroi thotë se tendenca e presidentit të Kosovës për t’ia paraqitur Serbisë kërkesën për marrjen e Luginës së Preshevës, përbën shkelje të rëndë të Kushtetutës së Kosovës.

Kështu shkruan Surroi në një status në Facebook:

Deklarimi i presidentit të Kosovës se do t’ia paraqesë kërkesën presidentit të Serbisë që Lugina e Preshevës t’i bashkëngjitet Kosovës mund të konsiderohet truk i dobishëm në politikë të brendshme , por përbën shkelje të rëndë të Kushtetutës së Kosovës.
Pika 3 e Nenit të Parë të Kushtetutës së Republikës së Kosovës thotë: Republika e Kosovës nuk ka pretendime territoriale ndaj asnjë shteti ose pjese të ndonjë shteti dhe nuk do të kërkojë të bashkohet me asnjë shtet ose pjesë të ndonjë shteti.
Deklarimet e presidentit, në të drejtën ndërkombëtare,mund të tërheqin më vete obligimin shtetëror . Rrjedhimisht, deklarimi i këtij të Kosovës për Luginën e Preshevës cilësohen si pretendim i pastër territorial i Kosovës ndaj shtetit tjetër, Republikës së Serbisë.
Në bashkësinë ndërkombëtare nuk janë të pakta shtetet-ndër to Rusia- që këtë akt pretendimi territorial mund ta intepretojnë si rrezikim që ia bën Kosova paqes në regjion.