4 orë më parëPresidenti Thaçi falënderon eurodeputetët: Brenda një kohe të shkurtër lëvizim pa viza
Periskopi(8 vite më parë)
(8 vite më parë)Presidenti i Kosovës Hashim Thaçi ka reaguar pas votimit pro të Parlamentit Evropian për liberalizimin e vizave për qytetarët e Republikës së Kosovës. Ai nëpërmjet një statusi në Facebook, ka thënë se qytetarët e Kosovës sot janë edhe një hap më afër realizimit të së drejtës së tyre bazikë në familjen Evropiane, lëvizjen e lirë […]
Ai nëpërmjet një statusi në Facebook, ka thënë se qytetarët e Kosovës sot janë edhe një hap më afër realizimit të së drejtës së tyre bazikë në familjen Evropiane, lëvizjen e lirë në Shengen.
“Me më shumë se 2/3 e votave të eurodeputetëve, Parlamenti Evropian votoi pro liberalizimit të vizave për qytetarët tanë. Ky është një mesazh i qartë edhe për institucionet e tjera vendimmarrëse në Bashkimin Evropian. Jam i bindur se brenda një periudhe të shkurtër kohore, do të përmbyllet tërësisht ky proces dhe qytetarët tanë, pas një rrugëtimi të gjatë dhe tejet të mundimshëm, së shpejti do të jenë të barabartë me të gjithë qytetarët e Bashkimit Evropian”, ka shkruar Thaçi, transmeton Periskopi.
Thaçi ka falënderuar eurodeputetët për votimin pro.
“Si President i Republikës së Kosovës, në emrin tim personal dhe të të gjithë qytetarëve të Kosovës, i falënderoj eurodeputetët për këtë vendim të drejtë”, ka shkruar Thaçi. /Periskopi/
