Përplasje në LDK, Avdyli i përgjigjet Haraqisë: Rugova la shumë matrapazë e kriminelë t’i sillen rrotull oborrit

Astrit Haraqija, pjesë e LDK-së dhe njëri i afërt me familjen e presidentit Ibrahim Rugova, në një deklaratë për lajmin ka kritikuar ashpër shefin e Grupit Parlamentar të LDK-së, Avdullah Hotin. Haraqija ndër tjerash kishte thumbuar edhe deputetin, Haxhi Avdyli.

“Ne mendojmë për shtet si rugovista, e jo si do karrieristë të LDK-së që mendojnë vetëm për karrige”, ka thënë Haraqija.

Në anën tjetër i menjëhershëm ka qenë edhe reagimi nga ana e deputetit Avdyli.

Deputeti deklaroi se Ibrahim Rugova s’ka bërë kompromis me kufijtë e tokave të Kosovës dhe se ka lënë t’i sillen matrapaz e kriminelë rreth e rrotull.

“Edhe pse s’di a ia vlen me komentu deklaratat e personave që nuk përfaqesojnë askënd, por një duhet me thënë se Ibrahim Rugova s’ka bërë kompromise me kufinj e tokat e Kosovës edhe kur ishte duke u djeg çdo gjë nga pushtuesi. Ai i ka mbrojtë qytetarët dhe trojet me politikë të mençur dhe s’ka pranu për asnjë çmim të shes vendin për intersa personale. E vetmja mangësi e tij që si falet ishte që ka lënë shumë matrapaz e kriminelë t’i sillen rrotull oborrit’’, përfundon Avdyli, duke aluduar në Astrit Haraqinë.

“Ne mendojmë për shtet si rugovista, e jo si do karrieristë të LDK-së që mendojnë vetëm për karrige”, ka thënë Haraqija.

Ky mesazh sipas Haraqisë i drejtohej Avdullah Hotit dhe Haxhi Avdylit.

“Ky mesazh shkon për Avdullah Hotin e Haxhi Avdylin, si dhe për disa matrapazë që folin në emër të LDK-së”, ka thënë Haraqija.

Vazhdimi i seancës ku do të votohet ekipi negociator qeveritar është caktuar të jetë nga ora 16 e 30.