Njihuni me 70-vjeçaren më elegante në botë: Ky është sekreti i saj për një trup në formë (Foto)

Kur e sheh për herë të parë, mund të vësh bast pa frikë se ajo nuk është më shumë se 40 vjeç!

Elegante, me linja trupore fantastike që të bëjnë të mendosh se është një nga femrat më të hijshme që ke parë në jetën tënde.

Në fakt, ajo është një 70 vjeçare në trupin e një 40 vjeçareje! Dhe fotot e saj po bëjnë xhiron e botës. Quhet Norma Williams, është britanike, por jeton prej vitesh në Itali.

Por cili është “çelësi” i të qenit në formë?

Sekretin e saj për një trup që nuk i kalon 60 kg, ajo e ka ndarë me të gjithë, pikërisht në momentin që u bë e famshme.

“Nuk ha kurrë darkë. Në mëngjes konsumoj ëmbëlsirat e mia të preferuara, gjatë ditës ha nga pak, ndërsa në darkë vetëm një gotë verë të kuqe”, thotë ajo.

Por, nuk është vetëm regjimi ushqimor, çelësi i saj i sekretit për trupin elegant. Norma stërvitet shtatë herë në javë.

Në palestër, apo në kushtet e shtëpisë, ushtrimet e saj janë të alternuara dhe këto i lejojnë që ajo të ketë një fizik fantastik, edhe pse është plot 70 vjeçe.

Teksa ajo pranon se natyra e ka bekuar me bukuri natyrale, thotë që të dukesh mirë nuk do të thotë që të kesh domosdoshmërisht përmasat e një supermodeleje.