4 orë më parëNënkryetari i PDK’së kundër idesë së ndryshimit të kufijve
Periskopi(8 vite më parë)
(8 vite më parë)Nënkryetari i Partisë Demokratike të Kosovës, Arsim Bajrami, ka thënë se dialogu me Serbinë, është një proces në të cilin Kosova duhet të futet më e përgatitur. Kjo pasi sipas Bajramit, aktualisht tek subjektet partiake nuk po vërehet një unitet i plotë. ”Tani më ka qenë e paralajmëruar se shtatori do të jetë fillimi i […]
Nënkryetari i Partisë Demokratike të Kosovës, Arsim Bajrami, ka thënë se dialogu me Serbinë, është një proces në të cilin Kosova duhet të futet më e përgatitur.
Kjo pasi sipas Bajramit, aktualisht tek subjektet partiake nuk po vërehet një unitet i plotë.
”Tani më ka qenë e paralajmëruar se shtatori do të jetë fillimi i përpjekjes për të arritur një marrëveshje mes Kosovës e Serbisë”, ka thënë ai në Klan Kosova.
”Është ditur që pikërisht është kjo kohë e përshtatshme që të bëhen përpjekjet që të nis dialogu për tu përmbyllur konflikti disavjeçar mes Kosovës e Serbisë”.
”Dialogu është një proces në të cilin Kosova duhet të futet shumë më e përgatitur, shumë më e vendosur”.
”Fatkeqësisht nuk po shohim një unitet të plotë, nga të gjitha nivelet e përpjekjeve serioze”.
”Kosova ka përfunduar mundësinë e bërjes së kompromiseve me Serbinë, që kur ka shpallur pavarësinë e saj”.
”Çdo veprim për tentim të ndonjë vije territoriale të shtetit tjetër, do ishte në kundërshtim me Kushtetutën e Kosovës”.
”Besoj që këto ide për kufijt, janë vetëm taktika të negocimit. Ai mund ta ketë shumë seriozisht, pr është shumë i vetëdijshëm që këto nuk bëhen me anë të kësaj Kushtetute”.
”Puna kryesore mund të bëhet brenda parlamentit të Kosovës. Në parlament nuk duhet shtyhen me njëri – tjetrin në lidhje me këtë çështje. Ata duhet të shkojnë të përgatitur në mënyrë që ky dialog të rezultojë me subjektivitetin e anëtarësimit të Kosovës në OKB”.
