2 orë më parëNdërpritet sërish seanca, Konjufca: Veç në Kosovë ndodh që pushteti e bojkoton Kuvendin
Periskopi(8 vite më parë)
(8 vite më parë)Kryetari i Kuvendit të Kosovës Kadri Veseli e ka ndërprerë edhe një herë seancën e jashtëzakonshme të Kuvendit të Kosovës, të thirrur nga opozita, me qëllimin që të miratohet një rezolutë kundërshtuese për negociimin e territoreve të Kosovës në negociatat me Serbinë. Seanca është ndërprerë për arsye se opozita edhe një herë nuk ka mundur […]
Seanca është ndërprerë për arsye se opozita edhe një herë nuk ka mundur ta sigurojë kuorumin, shkruan Periskopi.
Ai ka ftuar në takim shefat e grupeve parlamentare për të parë se si të menaxhohet kjo situatë.
Shefi i grupit parlamentar të Vetëvendosje Glauk Konjufca, para mediave, ka thënë se seancat po dështojnë për arsye se mazhoranca po e bojkton Kuvendin e Kosovës. Sipas tij, nuk ka ndonjë vend në botë, veç Kosovës, ku Qeveria e bojkton Kuvendin – arsye që sipas tij, duhet ta dërgojë vendin në zgjedhje.
“Di shumë vende të botës, ku opozita e bojkoton seancën e Kuvendit, por po shoh që vetëm në Kosovë ndodh që pushteti bojkoton Kuvendin. Kjo ndodh vetëm në Kosovë. Në momentin kur pushteti nuk vjen në seancë, do të thotë që nuk ndihet i sigurt në numrat e vet. Ata frikësohen se ndonjë deputet i tyre do t’ia jap votën kësaj rezolute. As Nisma nuk vjen, ajo dje ishte një lojë”, ka thënë Konjufca. /Periskopi/
