4 orë më parëLimaj i kundërpërgjigjet Vuçiqit pas deklaratave për të
Periskopi(8 vite më parë)
(8 vite më parë)Zëvendëskryeministri i Kosovës, Fatmir Limaj, i është përgjigjur për herë të parë presidentit serb, Aleksandar Vuciq, i cili ditë më parë deklaroi se nuk e do liderin e Nismës në krye të dialogut Kosovë-Serbi. Limaj, i cili është votuar në qeverinë e Kosovës si udhëheqës i bisedimeve me Serbinë, ka thënë se koha kur Serbia ka […]
Zëvendëskryeministri i Kosovës, Fatmir Limaj, i është përgjigjur për herë të parë presidentit serb, Aleksandar Vuciq, i cili ditë më parë deklaroi se nuk e do liderin e Nismës në krye të dialogut Kosovë-Serbi.
Limaj, i cili është votuar në qeverinë e Kosovës si udhëheqës i bisedimeve me Serbinë, ka thënë se koha kur Serbia ka tentuar të gjejë përfaqësues shqiptarë që u përshtatën atyre ka përfunduar në vitin 1999.
“Serbia pat provuar të gjejë kinse shqiptarë të ndershëm, madje deri në Rambuje dhe kjo logjikë ka përfunduar. Askush s’ka qef me u ulë me Vuciqin i cili ka qenë ish ministër i Milloshevicit, por ai është përfaqësues i delegacionit serb dhe duhet të ulemi e të bisedojmë”, ka thënë Limaj në RTV Dukagjini.
Prishtina, Sarajeva, Zagrebi, Brukseli, Parisi, Londra e Berlini, Limaj thotë se e dinë kush është Vuciqi.
“Ai ka qenë projektues e zbatues i spastrimeve etnike në Kroaci, Bosne, krejt e dinë kush është ai, por është përfaqësues i qytetarëve serb. Ne duhet fokusohemi të zgjedhim temat të cilat janë në interes me Kosovën”, ka shtuar Limaj.
