3 orë më parëKthehet në punë ‘Tarkani’, polici që akuzohet për sulmin ndaj Agron Mustafës
Periskopi(8 vite më parë)
(8 vite më parë)Polici Avni Berisha i njohur me nofkën “Tarkani” është rikthyer në punë pas masës së suspendimit në lidhje me rastin e sulmit ndaj ish- drejtorit të “Vala”-s, Agron Mustafës. Ndaj tij është ngritur një aktakuzë nga Prokuroria Themelore e Gjilanit, pasi që lënda ishte transferuar në Gjilan për t’u rikthyer prapë në Prishtinë. Lajmin për rikthimin […]
Polici Avni Berisha i njohur me nofkën “Tarkani” është rikthyer në punë pas masës së suspendimit në lidhje me rastin e sulmit ndaj ish- drejtorit të “Vala”-s, Agron Mustafës. Ndaj tij është ngritur një aktakuzë nga Prokuroria Themelore e Gjilanit, pasi që lënda ishte transferuar në Gjilan për t’u rikthyer prapë në Prishtinë.
Lajmin për rikthimin e “Tarkanit” në pozitën e tij të mëparshme e ka konfirmuar për Kallxo.com edhe Zyra e Përgjithshme e Policisë së Kosovës.
Policia e Kosovës, në përgjigjen e vet tha se fillimisht ka ndërmarrë të gjitha veprimet e nevojshme policore duke suspenduar zyrtarin në fjalë i cili është i dyshuar për përfshirje në konflikt, për të vazhduar më pas me procedurat e mëtejme ligjore nga institucionet kompetente.
“Ndërsa tani i njëjti pas rekomandimeve dhe përfundimit te masës se suspendimit, bazuar në procedurat e parapara është kthyer në PK. Policia e Kosovës, veprimet e mëtejme procedurale do t’i ndërmarrë varësisht nga vendimi i organeve te drejtësisë”, thuhet në përgjigjen e PK-së.
Deri në suspendim, ai ka punuar në Njësitin Anti-Drogë të Policisë së Kosovës.
