8 orë më parëKrasniqi flet për mbledhjen e PDK’së: Diskutuam lidhur me seancën për dialogun
Periskopi(8 vite më parë)
(8 vite më parë)Nënkryetari i Partisë Demokratike të Kosovës, Memli Krasniqi, e ka konfirmuar se sot është mbledhur Grupi Parlamentar i Partisë Demokratike të Kosovës. Krasniqi ka thënë se është një mbledhje përgatitore për seancën e thirrur nga opozita me 4 shtator, rreth temës së dialogut me Serbinë. “ Është një mbeldhje përgatitore për seancën e javës së […]
Nënkryetari i Partisë Demokratike të Kosovës, Memli Krasniqi, e ka konfirmuar se sot është mbledhur Grupi Parlamentar i Partisë Demokratike të Kosovës.
Krasniqi ka thënë se është një mbledhje përgatitore për seancën e thirrur nga opozita me 4 shtator, rreth temës së dialogut me Serbinë.
“ Është një mbeldhje përgatitore për seancën e javës së ardhshme”, ka thënë Krasniqi për Express.
Në këtë mbeldhje thuhet të ketë marë pjesë edhe kreu i PDK-së, Kadri Veseli.
Kreu i PDK-së sa i përket thirrjes së kësaj seance, ka akuzuar opozitën se po e inskeonon një lojë për ndarjen e Kosovës.
“Thirrja e seancës është dëmi më i madh që i shkaktohet Kosovës. Është inskenim i lojës për ndarje. PDK-ja konsideron se ngritja e kësaj teme do ta dëmtojë Kosovën në procesin e dialogut, duke krijuar argumente në favor të eksponentëve që dëshirojnë ndarjen e Kosovës”, kishte thënë Veseli.
Kjo nismë e opozitës për seancë të jashtëzakonshme me 4 shtator, ka ardhur si pasojë e idesë së presidentit Thaçi, që në dialogun me Serbinë në Bruksel të diskutohet edhe çështja e shkëmbimit të territoreve ndërmjet Kosovës dhe Serbisë.
Pas thirjes së kësaj seance, Veseli, kishte ftuar dhe disa takime me partnerët e koalicionit nga AAK-ja dhe NISMA.
