5 orë më parëKadri Veseli nga takimi me Sali Berishën: Askush s’mund të ndërtojë Republika Srpska në Kosovë
Periskopi(8 vite më parë)
(8 vite më parë)Kryetari i Kuvendit të Kosovës Kadri Veseli, bashkë me zëvendëskryeministrin e Kosovës, Fatmir Limaj, janë takuar sot në Tiranë me ish-kryeministrin dhe ish-presidentin shqiptar, Sali Berisha. Në deklarimin e tyre të përbashkët për mediat, Berisha tha se përkundër mospajtimeve, me zyrtarët kosovarë biseduan për zhvillimet e fundit rreth raporteve Kosovë-Serbi. Ai shprehu hapur kundërshtimin e […]
Në deklarimin e tyre të përbashkët për mediat, Berisha tha se përkundër mospajtimeve, me zyrtarët kosovarë biseduan për zhvillimet e fundit rreth raporteve Kosovë-Serbi. Ai shprehu hapur kundërshtimin e tij lidhur me korrigjimin e kufijve, si dhe themelimin e ASK-së, duke e quajtur presidentin serb Aleksandar Vuçiq “Millosheviq të dytë”, shkruan Periskopi.
Ndërsa, Kadri Veseli, e falënderoi Berishën për takimin, përderisa siguroi se Kosovën nuk mund ta dëmtoj askush.
Ai bëri thirrje për unitet në Kosovë në përballjen me Serbinë, duke i bërë thirrje opozitës që të bashkohet me pushtetin në këtë çështje.
“Askush nuk mund ta dëmtoj Kosovën, askush nuk mund të ndërtoj Republika Srpska në Kosovë, nëqoftëse ne jemi bashkë pozitë dhe opozitë. Duhet të jemi bashkë, nuk mund të na sfidojë askush, kemi partnerë, kemi miq, kemi Shtetet e Bashkuara të Amerikës me ne, kemi Bashkimin Evropian… kemi të drejtën tonë që na takon prapa së cilës nuk do të zmbrapsemi në asnjë formë. Kemi nevojë për unitet. Në Serbi shkojmë në dialog, jo nga dashuria, por nga pragmatizmi që e kemi mbi lirinë, paqen e prosperitetin e popujve të Ballkanit”, tha Veseli. /Periskopi/
