3 orë më parëIdentifikohet 37 vjeçari që u vra në AKI nga punëtori i sigurimit
Periskopi(8 vite më parë)
(8 vite më parë)Prokurorja e Përgjithshme në Prokurorinë Themelore të Prishtinës, Besa Limoni është duke u marrë me hetimet rreth vrasjes së punonjësit të AKI’së. Ajo ka dhënë detaje rreth identitetit të viktimës i cili u vra sot me disa plumba brenda institucionit më të lartë të sigurisë në vend. Prokurorja e rastit ka dhënë detaje rreth këtij […]
Prokurorja e Përgjithshme në Prokurorinë Themelore të Prishtinës, Besa Limoni është duke u marrë me hetimet rreth vrasjes së punonjësit të AKI’së. Ajo ka dhënë detaje rreth identitetit të viktimës i cili u vra sot me disa plumba brenda institucionit më të lartë të sigurisë në vend.
Prokurorja e rastit ka dhënë detaje rreth këtij rasti. Ndërkohë që këta të fundit ende nuk po i dijnë motivet e kësaj ngjarjeje të rëndë.
“Jemi ende në fazën preliminare të hetimeve. Ende nuk mund të japim detaje. Ne kemi qenë në vendin e ngjarjes. Viktima është i gjinisë mashkullor. Ai është Isa Sejdiu i lindur në vitin 1978”, ka thënë ajo për Express.
Viktima është nga qyteti i Vushtrrisë.
E ndërkohë edhe Agjencia Kosovare Inteligjencës është deklaruar lidhur me vrasjen që ndodhi mëngjesin e sotëm brenda objektit të së njëjtës agjenci. Në këtë institucion kanë thënë se viktima në fjalë ishte punëtor i bufesë dhe se ndërroi jetë në QKUK pasi nuk arriti t’i rezistojë plagëve të marra.
“Sot, më 04.09.2018, rreth orës 09:10, në objektin e Agjencisë së Kosovës për Inteligjencë ka ndodhur gjuajtje me armë zjarri, me ç’rast një zyrtar i sigurimit të brendshëm ka shtënë mbi një punonjës të bufesë. Viktima ka ndërruar jetë në QKUK”, thuhet nga AKI.Gjithashtu është bërë e ditur se rasti nuk ka të bëjë me çështje që ndërlidhen me veprimtarinë e AKI-së.“Me hetimin e këtij rasti po merret prokurori kompetent”, përfundohet nga AKI.
