4 orë më parëGrevë në administratën e kryeministrit Haradinaj? Sqarohet Qeveria
Periskopi(8 vite më parë)
(8 vite më parë)Koha.net sot ka raportuar se administrata e kryeministrit të Kosovës, Ramush Haradinaj ka hyrë në grevë qysh prej orës 10 të mëngjesit. Sipas kësaj medie, arsyeja e grevës është diskriminimi për paga, pasi disa kanë marrë paga me rritje e disa jo. Periskopi ka kontaktuar me zyrtaren për Informim në Zyrën e Kryeministrit, Donjeta Gashin, […]
Sipas kësaj medie, arsyeja e grevës është diskriminimi për paga, pasi disa kanë marrë paga me rritje e disa jo.
Periskopi ka kontaktuar me zyrtaren për Informim në Zyrën e Kryeministrit, Donjeta Gashin, e cila ka mohuar se diçka e tillë është duke ndodhur në ambientet e Qeverisë.
Sipas saj, të gjithë punëtorët janë në vendin e tyre të punës.
‘Jo nuk ka diçka të tillë në Qeveri. Të gjithë punëtorët janë duke punuar në vendin e tyre të punës. Nuk ka asgjë’, ka thënë Gashi për Periskopin.
Kujtojmë që Haradinaj qysh me ardhjen e tij në pushtet kishte kërkuar rritje të pagës për vete dhe vartësit e tij.
Madje kjo çështje ishte kundërshtuar tej mase nga opozita, të cilën e kishin dërguar edhe në Gjykatën Kushtetuese, por që vendimi ishte në favor të kryeministrit.
Gjykata kishte vendosur se ngritja e pagave për kabinetin qeveritar nga ana e Haradinajt, nuk është në kundërshtim me Kushtetutën e Kosovës./Periskopi/
