7 orë më parëGjuriq nga veriu: Serbët po presin me padurim Vuçiqin
Periskopi(8 vite më parë)
(8 vite më parë)Shefi i ashtuquajturës Zyra për Kosovën në Qeverinë e Serbisë, Marko Gjuriq ka mbërritur në orët e mbrëmjes në veri të Mitrovicës. Gjuriq ishte i shoqëruar edhe me krerët e Listës Srpska, një ditë para vizitës së presidentit të Aleksandër Vuçiqit në Republikën e Kosovës. Vuçiq do ta vizitojë nesër Kosovën, Vizita e tij do […]
Gjuriq ishte i shoqëruar edhe me krerët e Listës Srpska, një ditë para vizitës së presidentit të Aleksandër Vuçiqit në Republikën e Kosovës.
Vuçiq do ta vizitojë nesër Kosovën, Vizita e tij do të nisë nga Liqeni i Gazivodës për çka i është leje nga autoritetet e Kosovës, pas rekomandimit të SHBA’së.
Në një deklaratë për mediet serbe, Gjuriq ka thënë se qytetarët serbë në Kosovë po presin me padurim ardhjen e Vuçiqit.
Sipas tij, kjo vizitë për ta do të thotë forcë dhe siguri.
“Vuçiq do të vijë t’i shohë serbët në Kosovë. Jam i bindur që në orët që po vijnë, ai do të sjellë vendimin më të mirë në interes të serbëve dhe Serbisë”, tha ai.
Sipas Gjuriqit, Vuçiq luftoi sot në Bruksel me dinjitet për t’i mbrojtur interesat serbe.
“Serbët më nuk u frikësohen kërcënimeve”, shtoi ai.
Ai ka përmendur edhe ‘kërcënimin’ që thotë se i bëri Vuçiqit Kadri Veseli, i cili në një konferencë për media ditë më parë tha se nëse Vuçiqit nuk i jepet leje, ai nuk do të futet në Kosovë./Periskopi
