Gazeta gjermane: Salltat diplomatike të Vuçiqit në Kosovë

Fjalimi i Vuçiqit në Kosovë dhe barrikadat kundër vizitës së tij, tregojnë se ende është shumë larg marrëveshja mes Beogradit dhe Prishtinës si dhe Vuçiq, me paraqitjen e tij në Kosovë, bëri një akrobacion diplomatik ndaj Bashkimit Evropian, shkruan e përditshmja gjermane, Süddeutsche Zeitung, transmeton Periskopi.

Sipas kësaj gazete, Vuçiqit iu dha ‘një meritë kontraversale’ dhe gjatë fundjavës, me vizitën e tij arriti të ‘portretizojë një të vërtetë të hidhur: që konflikti me Kosovën është ende larg zgjidhjes”.

“Si një strategjist tranzicional, Vuçiq duke folur publikisht për idenë e shkëmbimit të territoreve mes serbëve dhe shqiptarëve, ai arriti  ta lejojë veten të ‘fluturojë’ sërish mbi Kosovë”, shkruan e përditshjma gjermane.

Me fjalimin e tij dhe me ‘akrobacionin e tij diplomatik’, Vuçiq për herë të parë foli par akterëve të Bashkimit Evropian se ka ndarje të thella lidhur me ndryshimin e kufijve, derisa Gjermania, siç shkruan gazeta, në mënyrë të prerë kundërshton një ide të tillë duke e parë si një precedent të rrezikshëm, e deri san ë anën tjetër, kemi edhe zyrtarë nga Komisioni Evropian që nuk janë decidivisht kundër një ideje të tillë.

“Kur të dy palët janë duke argumentuar, Vuçiq si palë e tretë, nuk ka nevojë të ketë frikë nga presioni i momentit. Ky është një sukses momental i tij, por është një goditje ndaj ndërmjetësuesve të Bashkimit Evropian”, shkruan gazeta./Periskopi/