8 orë më parëElez Blakaj flet nga Amerika për gjithçka që ndodhi rreth dorëheqjes së tij
Periskopi(8 vite më parë)
(8 vite më parë)Ish-prokurori special, Elez Blakaj, i cili u dorëhiq pasi, siç tha ai, ishte i kërcënuar në kohën kur po hetonte rreth rastit të veteranëve të rrejshëm, ka folur për të parën herë para kamerave që nga rasti. Blakaj ka dhënë intervistë nga Amerika për emisionin ‘Betimi për Drejtësi’ që transmetohet në RTK, ditën e nesërme. […]
Blakaj ka dhënë intervistë nga Amerika për emisionin ‘Betimi për Drejtësi’ që transmetohet në RTK, ditën e nesërme.
Sipas autorit të emisionit, Betim Musliu, Blakaj sqaron të gjitha detajet rreth rastit që bëri bujë të madhe dhe goditi sistemin e drejtësisë.
Ndërkohë, pas largimit të Blakajt, Kosova u përfshi në një debat të madh rreth sistemit të drejtësisë dhe veteranëve të rrejshëm, e ku nisën edhe protesta që kërkonin shkarkimin e Kryeprokurorit të Shtetit, Aleksandër Lumezit.
Sidoqoftë, vetë Blakaj ka folur vetëm me një letër pas largimit, por duke mos dhënë detaje rreth kërcënimeve që ai thotë të ketë pasur nga njerëz të politikës.
Madje, mediat kanë raportuar se nga presioni edhe aktakuza e përgatitur nga Blakaj për mashtrimet me listat e veteranëve kishte mbetur në sirtarë të Prokurorisë Speciale.
Ndryshe, largimi i Blakajt nuk u ka lënë shije të mirë udhëheqësve të institucioneve. Kanë qenë kryeministri, kryekuvendari e kryeprokurori që adresuan kritika të ashpra në drejtim të tij.
