5 orë më parëDëshmitari nga Podgorica bashkëpunon në rastin e vrasjes së Ivanoviqit?
Periskopi(8 vite më parë)
(8 vite më parë)Mario Millosheviqit nga Podgorica i është ofruar statusi i dëshmitarit bashkëpunues në rastin e vrasjes së udhëheqësit të Iniciativës Qytetare Serbe, SDP Oliver Ivanoviq në Kosovë. Kështu raporton gazeta Cdm. duke iu referuar shkrimit të gazetës Dan. Raportohet se atij i janë ofruar rrethana lehtësuese nëse nënshkruan një deklaratë përmes së cilës akuzon një grup […]
Kështu raporton gazeta Cdm. duke iu referuar shkrimit të gazetës Dan.
Raportohet se atij i janë ofruar rrethana lehtësuese nëse nënshkruan një deklaratë përmes së cilës akuzon një grup kriminal të përbërë nga anëtarë nga Serbia dhe Mali i Zi që thuhet se ka organizuar dhe ka kryer vrasjen e Ivanoviqit.
Megjithëse autoritetet kosovare disa herë e morrën në pyetje Millosheviqin, ai mohoi përfshirjen në krim dhe refuzoi të dëshmojë , shkruan gazeta e Podgoricës.
Sipas Dan, oferta e njëjtë do t’i paraqitet edhe dy prej anëtarëve të arrestuar të grupit kriminal që autoritetet malazeze po i kërkojnë për vrasjen e Radomir Gjurikoviqit, transmeton Klan Kosova.
Në artikull theksohet se mediat serbe menjëherë pas arrestimit të grupit kriminal raportuan se Millosheviqit dhe bashkëpunëtorëve të tij i ishte ofruar një shumë parash për të pranuar që kanë marrë pjesë në vrasjen e Ivanoviqit dhe akuzuan Beogradin.
Përveç parave, të dyshuarve iu është ofruar gjithashtu të ndryshojnë identitetin e tyre dhe të mbrohen kundër hakmarrjes së mundshme, transmeton Klan Kosova.
Sipas këtij artikulli, oferta ishte e lidhur me njoftimin e autoriteteve të Prishtinës se ata do të njoftojnë detajet e vrasjes së udhëheqësit të SDP-së.
“Gjatë arrestimit në Kosovë, Millosheviqi pretendoi se policia e kishte privuar gabimisht nga liria.Përkatësisht, ai ua paraqiti dokumentet inspektorëve në Kosovë në emër të Miroslav Kostiqit një qytetar i Kosovës. Në dokument thuhet se Kostiq, i i prezantuar si Millosheviq ka lindur në Mitrovicën e Veriut dhe ka banuar përgjithmonë në Prishtinë”.
“Në Kosovë, policia gjithashtu arrestoi Gjorgje Paviçeviqin, i cili u largua nga spitali në Dobrotë më 3 korrik, ku u dërgua pas dënimit për rrëmbim.Pas Millosheviqit dhe shqyrtimit të lidhjeve të tij, inspektorët lokalë dolën në dëshmi duke treguar dyshimin e fortë se Ziba ndihmoi Millosheviqin të fshihej”, raportojnë mediat e Podgoricës.
Oliver Ivanoviq u vra në janar të këtij viti para zyrës së partisë së tij në Mitrovicën e Veriut.
