Brnabiq: Bota po luan me Serbinë

Kryeministrja serbe Ana Brnabiq i ka bërë thirrje komunitetit ndërkombëtar që të mos luajë me durimin e Serbisë, shkruan B92, transmeton Periskopi.

Ajo ka thënë se bashkësia ndërkombëtare duhet ta kuptojë seriozisht situatën e dialogut mes Beogradit dhe Prishtinës dhe të veprojë e koordinuar përballë këtij dialogu.

Ajo ka thënë se ‘nevojitet një paqe e madhe durimi’ përballë delegacionit të Kosovës në Bruksel, pasi që sipas saj, ky delegacion ‘është i paparashikueshëm dhe i papërgjegjshëm’. Ka shtuar se nuk e kupton mosreagimin e bashkësisë ndërkombëtare përballë situatës.

“Ka një durim të papërshkrueshëm përballë përfaqësuesve të komuniteti ndërkombëtar të cilët po e vështrojnë situatën me kaq qetësi deri sa Prishtina po dështon vazhdimisht të implementojë marrëveshjet e arritura në Bruksel dhe përfaqësuesit e saj, sheshazi po tregohen kërcënues ndaj përfaqësuesve tonë”, ka thënë Brnabiq, shkruan Periskopi.

Ajo ka lavdëruar Vuçiqin duke thënë se ‘ai po bën përpjekjet më të mëdha që të ndërtohen raporte të mira mes serbëve dhe shqiptarëve”. /Periskopi/