Aktivistët katalanas kundër-pavarësisë vishen me tesha të bardha e me maska dhe heqin simbolet pro-pavarësi

Një grup prej rreth 80 njerëzish kanë dalë në rrugë mbrëmjen e kaluar në Kataloni për të hequr shiritat e verdhë dhe simbolet e tjera që reprezentonin mbështetjen për politikanët separatistë që donin ta pavarësonin Kataloninë nga Spanja, e të cilët janë futur në burg, shkruan El Pais, përcjell Periskopi.

Ata ishin të veshur me rroba të bardha, me syze dhe me maska. Ata e quajnë veten “Brigadat për pastrimin e shiritave të verdhë që do të çlirojnë Kataloninë nga lëvizjet pro-pavarësisë”.

Duke përdorur shkallë të gjata, ata i hoqën të gjitha simbolet pro-pavarësi nga rrugët, duke i hedhur në kontejnerë industrialë mbeturinash.

Shoqëria katalane vazhdon të jetë shumë e përçarë në lidhje me pavarësinë e kësaj krahine nga Spanja – me më shumë se gjysmën që nuk e mbështesin një lëvizje të tillë. /Periskopi