8 orë më parë200 të vrarë në Afganistan
Periskopi(8 vite më parë)
(8 vite më parë)Në një varg sulmesh të armatosura të koordinuara në Afganistan, talebanët vranë më shumë se 50 persona të sigurisë, ndërsa forcat qeveritare vranë të paktën 150 militantë. Amruddin Danishjo, anëtar i këshillit provincial të Jawzjan, tha për agjencinë Anadolu se talebanët kaluan një numër të pikave të kontrollit të sigurisë në rrethin e provincës Khamaab, […]
Amruddin Danishjo, anëtar i këshillit provincial të Jawzjan, tha për agjencinë Anadolu se talebanët kaluan një numër të pikave të kontrollit të sigurisë në rrethin e provincës Khamaab, duke vrarë 10 persona të sigurisë.
Talibanët kanë rrethuar gjithashtu 50 persona të sigurisë në qendrën e rrethit, duke prerë linjat e tyre të furnizimit.
Sipas Tolo Neës, talebanët kanë krijuar pika kontrolli në autostradën kryesore që lidh Jawzjan me provincën fqinje Sar-e-Pul, duke paraqitur kërcënim për qendrën e provincës, transmeton Klan Kosova.
Ndërkohë, zyrtarë në provincën Madian Wardak konfirmuan të hënën se disa persona të sigurisë u vranë në bastisje të shumta që ndodhën në pikat e kontrollit nga talebanët në rrethin Daimurad.
Abdul Waheed, sekretar i këshillit provincial, bwnw me dije se forcat e sigurisë rrethuan talibanët nga qendra e rrethit pas përleshjeve vdekjeprurëse që rezultuan në vrasjen e më shumë se 40 anëtarëve të sigurisë.
Përleshjet vdekjeprurëse janë raportuar gjithashtu në provincën Kunduz në kufi me Taxhikistanin.
Ministria e Mbrojtjes në një deklaratë zyrtare tha se 52 talebanë u vranë në Maidan Wardak dhe të paktën 100 ose më shumë në Paktia, Baghlan, Uruzgan, Ghazni, Helmand, Farah dhe Nangarhar pas operacioneve ajrore dhe tokësore.
