13 minuta më parëZbutet Gjergj Dedaj – Nga ‘shtrigë të Ballkanit’, Turqinë tani e quan shtet mik të Kosovës
Periskopi(8 vite më parë)
(8 vite më parë)Tani ambasador i Kosovës në Maqedoni, Gjergj Dedaj, ka ndërruar tërësisht qëndrimin e tij lidhur me disa deklarata që kishte dhënë ditë më parë për Turqinë që e quajti ‘shtrigë të Ballkanit’, për të cilat madje deputetët turq kërkuan dorëheqjen e tij. Me t’u emëruar në postin e diplomatit në Shkup, Dedaj hasi në kundërshtime […]
Në një publikim në profilin e tij në rrjetin social “Facebook”, Dedaj tani e konsideron Turqinë si shtet mike që ka njohur pavarësinë e Kosovës.
‘Shtriga e Ballkanit’ për Dedajn, tani është partnere strategjike e Republikës së Kosovës.
“Ne Shkup do te jam ambasador, perfaqesues i Republikes se Kosoves, i te gjitha komuniteteve pa dallim etnie, gjuhe,religjioni dhe ideologjie politike. Turqia eshte shtet mike e cila ka njohur pavaresine e Kosoves dhe eshte partner strategjik i Republikes se Kosoves”, shkruan ai.
Dedaj ka zbutur fjalët e tij edhe për shtetin serb.
Shkruan se me Serbinë duhet ta tejkalojmë të kaluarën dhe të kemi raporte ndërshtetërore.
“kurse Serbia e sotme, eshte shtet fqinj,me te cilen duhet ta tejkalojme te kaluaren dhe te kemi njohje, Kbashkepunim reciprok fqinjesore dhe raporte ndershteterore!”, përfundon ai publikimin e tij.
Ditë më parë, ai u emërua nga presidenti Thaçi si ambasador në Shkup.
Deputetët përfaqësues të komunitetit turk në Kosovë kishin kërkuar nga kryeministri Ramush Haradinaj që ta shkarkoi Dedajn nga posti i zëvendësministrit të Punëve të Jashtme, pas deklaratave ‘raciste’ për shtetin turk./Periskopi
