5 orë më parëVuçiq letër serbëve të Kosovës: Nuk do të ketë tensionim të situatës, megjithatë jemi të gatshëm t’iu mbrojmë
Periskopi(8 vite më parë)
(8 vite më parë)Presidenti i Republikës së Serbisë, Aleksandër Vuçiq, u është drejtuar me një letër të hapur qytetarëve serb që jetojnë në Republikën e Kosovës, pas disa raportimeve për tensionim të mundshëm të gjendjes, shkruan Periskopi. Vuçiq në letrën e tij ka thënë se nuk ka vend për shqetësime, sepse asgjë e tillë nuk do të ndodh. […]
Vuçiq në letrën e tij ka thënë se nuk ka vend për shqetësime, sepse asgjë e tillë nuk do të ndodh.
“Serbia është gati sot për të përmbushur angazhimin e saj për ju dhe për të mbrojtur jetën dhe paqen tuaj, nëse kjo është e nevojshme. Ndërsa unë jam në krye të saj, Serbia nuk do të lejojë dhunë të organizuar kundër serbëve e as për përndjekjen e tyre. Nuk do të ketë “Stuhi” të reja në Kosovë. Paqe për Serbinë dhe popullin serb është vlera më e lartë, e cila përveç çdo gjë tjetër ne jemi duke u përpjekur për të mbrojtur dhe përmes bisedave të vështira që të çojnë në përfaqësuesit politikë të shqiptarëve dhe komunitetit ndërkombëtar”, ka shkruar Vuçiq në letrën e tij, raporton Periskopi, marrë nga Kurir.rs.
Ndër të tjera Vuçiq në letrën e tij ka folur rreth mos përmbushjes së marrëveshjes nga pala kosovare për themelimin e Asociacionit të Komunave Serbe, ashtu siç ishin dakorduar në Bruksel.
Ai ka ftuar serbët që të mos frikësohen pasi situata e sigurisë është e garantuar nga KFOR-i dhe NATO, dhe ka bërë përpjekje që të bind serbët, që askush nuk do t’ua rrëmbejë hidrocentralin e Gazivodës, apo ndonjë objekt tjetër infrastrukturor, prej të cilave varet edhe mbijetesa e banorëve serb./Periskopi/
