Serbët thonë se përmes Ujmanit ‘kontrollojnë’ tërë Kosovën

Në çdo rast, shkruan “Vecernje Novosti”, në veri të Kosovës është qetë, por vërehet një gjendje e tensionuar, por të paktën tani për tani nuk ka asgjë për ‘rrëmbimin’ e hidrocentralit Gazivoda ose nënstacionit të Valaçit. Dhe ky ishte informacioni që bëri bujë dje në Serbi.

Analisti politik Dragomir Andjelkoviq shpjegon se Gazivoda kanë rëndësi të madhe strategjike si për palën serbe ashtu edhe për atë shqiptare.“Për serbët, sepse mundëson funksionimin autonom të veriut të Kosovës në aspektin e energjisë, dhe për shqiptarët, pa Gazivodën nuk mund të funksionojë sistemi energjetik i Kosovës dhe në një farë mase furnizimi me ujë i një numri të qyteteve.

Kjo u jep serbëve mundësinë për të ndikuar në ngjarjet në Kosovë në tërësi. Në fund të fundit, për çdo lloj provokimi mund të kryejnë hakmarrje, duke bllokuar funksionimin e sistemit energjetik të Kosovës”, thotë Andjelkoviq për Sputnik. Ai beson se në të ardhmen, shqiptarët do të tentojnë të marrin Gazivodën.“Pala shqiptare e di se rrethanat në Evropë po ndryshojnë, se partitë e djathta vitin e ardhshëm do të marrin Parlamentin Evropian dhe ndikimin në Komisionin Evropian dhe në të tilla rrethana do të humbin mbështetjen…”, thotë Andjelkoviq.

E gjithë zona e liqenit të Gazivodës është 20 për qind në Serbi, dhe 80 për qind në territorin e Zubin Potokut, Kosovë.Nga Gazivoda drejtpërdrejt varet prodhimi i energjisë elektrike dhe ujit të pijshëm të liqenit të Badovcit në Prishtinë.Beogradi po angazhohet që i gjithë kompleksi “Gazivoda”, në të ardhmen të jetë nën kontrollin e Bashkësisë së komunave serbe dhe Zubin Potoku – në territorin e të cilit gjenden diga, hidrocentrali dhe një pjesë e liqenit, duke u mbështetur në praktika të BE-së – të menaxhojë këto resurse.