3 orë më parëPolitikanja ultra-nacionaliste serbe paralajmëron për tensionimin e situatës në veri
Periskopi(8 vite më parë)
(8 vite më parë)Themeluesja e të ashtuquajturit “Parlamenti serb Zavetnici’, Milica Gjurgjeviq, ka reaguar rreth raportimeve të shumta për tensionim të situatës në veriun e Kosovës. Gjurgjeviq e cila është një politikane e rreshtuar tek fryma ultra-nacionaliste serbe, ka thënë se Serbia pritet që t’u përgjigjet lëvizjeve të ndryshme, me qëllim të ruajtjes së ‘integritetit territorial’, dhe sigurisë […]
Gjurgjeviq e cila është një politikane e rreshtuar tek fryma ultra-nacionaliste serbe, ka thënë se Serbia pritet që t’u përgjigjet lëvizjeve të ndryshme, me qëllim të ruajtjes së ‘integritetit territorial’, dhe sigurisë së serbëve që jetojnë në veri të Mitrovicës, raporton Periskopi, marrë nga Tanjug.
‘Serbia duhet të marrë të gjitha masat e nevojshme për të ruajtur sigurinë e popullit serb’, thuhet në komunikatën e lëshuar nga ‘Zavetnici’.
“Rritja e pranisë së trupave të KFORit në veri të Kosovës, tregon se ekziston një kërcënim i vërtetë, dhe se shqiptarët kanë planifikuar përshkallëzim të situatës dhe dhunë ndaj serbëve”, thotë tutje njoftimi.
Ndryshe politikania serbe që ka themeluar ‘Zavetnici’ ka përkrahur protestat ultra-nacionaliste kundër shpalljes së pavarësisë së Republikës së Kosovës, dhe kundër arrestimit të Radovan Karaxhiqit dhe Ratko Mlladiqit nga Gjykata e Hagës.
Gjithashtu ajo ishte edhe kundër vizitës së Tony Blair në Serbi. Njihet edhe si përkrahëse e madhe e Bashar Al-Assadit./Periskopi/
