7 orë më parëPër deputetë u shpenzuan 7 milionë euro, 61 prej tyre s’kanë bërë kurrë pyetje parlamentare
Periskopi(8 vite më parë)
(8 vite më parë)Më shumë se 7 milionë euro janë shpenzimet që nga buxheti i shtetit shkojnë për pagat e mëditjet e deputetëve, por më shumë se gjysma e deputetëve nuk kanë marrë mundin që gjatë 2018-s, të shtrojnë të paktën një pyetje parlamentare. 59 deputetët kanë pasur pyetje parlamentare, derisa 61 prej tyre nuk e kanë ngarkuar […]
59 deputetët kanë pasur pyetje parlamentare, derisa 61 prej tyre nuk e kanë ngarkuar veten me një gjë të tillë, raporton KTV.
Por, kjo është veç një nga pikat që ka publikuar organizata që e mbikëqyr punën e Kuvendit, KDI-ja.
Ky institut e ka cilësuar punën e sesionit pranveror të Kuvendit si të paorganizuar, me mungesë të kuorumit, me mospjesëmarrje në votim, duke bllokuar kështu kalimin e shumë ligjeve.
Artan Murati tha se gjatë këtij viti Kuvendi arriti të realizonte vetëm 22 për qind të agjendës. Murati theksoi se këtë legjislaturë Qeveria e ka neglizhuar shumë Kuvendin, ani pse 38 herë ministrat raportuan në Komisione, por që ekzekutivi nuk ka marrë pjesë në seanca plenare.
