8 orë më parëMPB flet për praninë e njësiteve speciale të Policisë së Kosovës në Mitrovicë
Periskopi(8 vite më parë)
(8 vite më parë)Mëngjesin e sotëm në disa media u raportua se njësitet elite të Policisë së Kosvës janë pozicionuar në bazën “Belvedere” që gjendet në fshatin Frashër të Mitrovicës, mirëpo kjo nuk po del të jetë e vërtetë. Zëvendës ministri i Punëve të Brendshme, Selami Shkodra ka thënë se këto raportime janë vetëm spekulime. Sipas tij, asnjë […]
Zëvendës ministri i Punëve të Brendshme, Selami Shkodra ka thënë se këto raportime janë vetëm spekulime.
Sipas tij, asnjë pjesëtar i njësive speciale të policisë së Kosovës nuk ka lëvizur në veri të vendit.
Megjithatë, ai siguron qytetarët se situata është e qetë dhe stabile.
“Situata është krejt normale. Asnjë polic i njësive speciale nuk ka lëvizur në veri të vendit, me përjashtim të atyre që janë permanent në rajonin e Mitrovicës. Situata është e qetë dhe nuk ka as një llojë indicie deri në këtë kohë që të ketë ndonjë destabilizim apo trazira të ndryshme “, ka thënë Shkodra për Indeksonline.
Ndryshe, në disa media u raportua se forcat e njësisë elite të njohur si “FIT” dhe forca tjera speciale nga Prishtina ishin futur brenda bazës “Belvedere” në veri të vendit.
