Ministri i Arsimit tregon se si po shantazhohet nga kolegji ISPE për t’ia akredituar kundërligjshëm programet

Duke iu referuar një letre të drejtuar MAShT-it, ministri ka thënë se ajo përbën shantazh.

“Kjo letër është e një tipi të shantazhit e cila ka për qëllim të bëhet presion direkt në isntitucionet shtetërore për një paligjshmëri të kërkesave të institucionit ISPE”, ka thënë ministri gjatë një konference për media.

“Ajo çka dua të them është se ky presin nuk është tash që ISPE-ja bën ndaj institucionit tonë, por ka pasur një vazhdimësi të presioneve që në mënyrë të padrejtë të akreditohen programet, gjegjësisht të ndikohet në Këshillin Shtetëror të Cilësisë për akreditimin e programeve të këtij institucioni”, ka shtuar ai.

Bytyqi ka shprehur vendosmërinë e tij për ta përkrahur punën e institucioneve të pavarura.

“Ajo që dua të them është se ne jemi të vendosur që t’i respektojmë institucionet e pavarura, sepse në veaçanti kemi bërë një punë të jashtëzakonshme që të krijojmë një agjenci të akreditimit, një këshill shtetëror të cilësisë të pavarur dhe të pandikuar nga askush”, ka shtuar ai.

Bytyqi ka tënë se vendimet e Këshillit Shtetëror të Cilësisë janë të pavarura dhe nuk e kanë favorizuar apo përkrahur askënd.

Sipas tij, në letrën drejtuar Ministrisë së Arsimit, faji i është drejtuar ministri, duke shtuar se ministri nuk ka asnjë ndikim në këto vendime.

Megjithatë, ai ka thënë se, nëse dikush vlerëson se i është bërë e padrejtë, atëherë le t’i drejtohet institucioneve dhe të mos bëjë presion ndaj Ministrisë dhe Këshillit Shtetëror të Cilësisë për përfitime personale të cilat i bëjnë persona të caktuar.

Ministi Bytyqi ka thënë se pret që Këshilli Shtetërore i Cilësisë të mos bie pre e presioneve të tilla, duke shtuar se do ta kenë përkrahjen e tij deri në fund.

“Unë i bëjë thirrje publike ISPE-së të t’i plotësojë kriteret e parapara për akreditim dhe të mos bëjnë presion dhe shantazhe të cilat i bëjnë persona të caktuar për përfitime personale”, ka thënë ministri i Arsimit Shyqiri Bytyqi