2 orë më parëLDK i përgjigjet Veselit: Jemi pro dialogut, por jo me këto institucione jo funksionale
Periskopi(8 vite më parë)
(8 vite më parë)Kryetari i Kuvendit të Kosovës, Kadri Veseli dje ka akuzuar Lidhjen Demokratike të Kosovës për mospërfshirje në dialogun Kosovë-Serbi. Sipas Veselit, partitë politike opozitare në Kuvend nuk pranuan të jenë pjesë e përgjegjësisë shtetërore, pjesë e dialogut, i cili adreson interesat e shtetit, e jo të partive politike. Fatkeqësisht, sindroma e vjetër e bajraktarizmit primitiv, […]
“Sigurisht që përgjegjësinë kryesore për këtë e bart LDK-ja, e cila, në njërën anë, poshtë e lart, vetëpromovohet si parti institucionaliste, derisa, në anën tjetër, praktikisht vepron kundër frymës institucionale. Respektimi i kësaj fryme sot, më shumë se kurrë në këta dhjetë vjet, është domosdoshmëri dhe obligim i të gjithë përfaqësuesve politikë në vend”, ka thënë Veseli.
Në këtë situatë të krijuar, Veseli thotë se nuk duhet habitur pse në mungesë të veprimit institucional, që prodhon konsensus e vendimmarrje shtetërore, debati është zhvendosur në virtualitetin e mediave sociale, e si rezultat ky debat e ka humbur krejtësisht seriozitetin, për të përfunduar në një qarkullim të lirë pa doganë të teorive të konspiracionit dhe tërheqje vijash të reja në hartën politike të Kosovës e rajonit, sipas preferencave subjektive.
Përgjigje deklaratës së Veselit i ka dhënë Sekretari i LDK-së, Ismet Beqiri. Ai për Indeksonline ka thënë se LDK-ja nuk i merr aspak serioze deklaratat e Kryetarit të Kuvendit.
“Kosova është në pritje por edhe ne, të marrjes së vendimeve të mëdha, për çka ai është thirr gjithmonë. Ai dhe koalicioni i tij i lodhët, nuk po munden as edhe një projektligj ta kalojnë, apo këtë e bëjnë me vështirësi të mëdha, e lëre më të marrin vendime të mëdha. Ata janë koalicion qeverisës, le të qeverisin.
Është hipokrizi të akuzosh LDK-në, ne jemi për dialog por jo çdo lloj dialogu, jo nga këto institucione jo funksionale”, ka deklaruar Beqiri.
Sipas tij, nëse munden le të vazhdojnë, por LDK mendon që ata nuk janë në gjendje të qeverisin. Beqiri ka propozuar që vendi të shkoi në zgjedhje të parakohshme nga të cilat do të dalin institucionet e reja.
Sekretari i LDK-së mendon që Veseli ka telashe, siç thotë ai me shefin e tij, Thaçi, andaj po mundohet te gjej arsyetime.
