Janjiq: Politikanët serbë nuk i kuptojnë serbët e Kosovës

Ai ka theksuar se peshkopi Teodosije dhe Dioqeza e Rashkës dhe Prizrenit, të cilët u gjendën nën goditjen e përfaqësuesve të qeverisë pas shprehjes së qëndrimit të vet mbi zgjidhjen e çështjes së Kosovës, gjatë gjithë proceseve të dialogut të brendshëm dhe debateve publike, ka qenë shumë i përmbajtur.

“Mirëpo, tani kur është vërejtur ideja e qartë për i atë se pushteti serb dëshiron ndarjen e Kosovës, apo së paku shkëmbim të territoreve, ai është deklaruar në atë mënyrë, e cila i përgjigjet Kishës, sepse ajo merret me njerëz. Paralajmëroi në eksod të njerëzve, dhe kjo është në rregull. Sepse, atje ku nuk ka njerëz, nuk ka as kishë, ndërsa ai është kompetent për Kosovën në këtë aspekt”, thekson Janjiq, transmeton Insajderi.com.

Janjiq i ka konfirmuar pretendimet e peshkopit Teodosije se ndarja eventuale apo shkëmbimi i territoreve do të shkaktojë eksod të serbëve, por pretendon se eksodi do të kishte filluar së pari nga veriu i Kosovës.

“Politikanët serb nuk i kuptojnë serbët e Kosovës. Ata nuk kuptojnë as çfarë nënkupton në praktikë ndarja. Ajo do të thotë rritje e mundësisë për konflikt. Kjo nuk është gjë e thjeshtë. Serbët në veri tashmë i kanë paketuar valixhet, ata e dinë shumë mirë se konfliktet vijnë kur ndahet apo shkëmbehet territori”, thotë Janjiq.

Ai shpjegon se jetësimi i kësaj dëshire të autoriteteve serbe për ndarje apo shkëmbim, në të vërtetë, nuk është aspak real.

“Këto të gjitha janë rrotullime. Shkëmbimi i territoreve apo ndarja sjellë mundësinë për luftë, pa marrë parasysh marrëveshjet e pretenduara. Dhe për këtë as SHBA e as BE nuk do të pajtohen me këtë. Kjo nuk do të ndodhte sikur, të themi, që edhe Serbia edhe Kosova, gjegjësisht të gjitha vendet e Ballkanit Perëndimor të ishin në NATO. Pasi kjo nuk është, pra, duke marrë parasysh se ky kusht nuk është plotësuar, tregimet mbi ndarjet dhe shkëmbimet janë plotësisht të pavërteta”, pretendon Dushan Janjiq.