3 orë më parëHaradinaj: Ushtria e Kosovës po vjen
Periskopi(8 vite më parë)
(8 vite më parë)Kryeministri i Kosovës, Ramush Haradinaj, ka thënë se nuk është e largët dita kur Kosova do ta ketë Ushtrinë. “Ushtria e Kosovës po vjen dhe pa thyerje me aleatët, dhe kjo nuk është larg. Inicimi i presidentit Hashim Thaçi për ushtrinë nuk ka qenë negativ për Kosovën. Ka edhe qeveri anëtare të NATO-së, që kanë […]
“Ushtria e Kosovës po vjen dhe pa thyerje me aleatët, dhe kjo nuk është larg. Inicimi i presidentit Hashim Thaçi për ushtrinë nuk ka qenë negativ për Kosovën. Ka edhe qeveri anëtare të NATO-së, që kanë rezerva”, tha ai.Sipas tij, në fund të vitit do të ketë përfundim të procesit të transformimi të FSK-së, në ushtri të Kosovës.
Haradinaj në një intervistë për Televizionin Publik ka folur edhe për iden për shkëmbim të territoreve.Ai ka thënë se kjo ide i shkon për shtati vetëm Putinit.“Nuk ka asnjëri që dëshiron lëvizjen kufijve, vetëm njërit i shkon, ai është Vladimir Putin. Ai ka dëshirë m’i lëvizë në Bosnjë, që të përfitojë precedent. Është gabim që ne t’i ndihmojmë Putinit për ndarje dhe lëvizje”, ka thënë Haradinaj.
Sipas tij me Serbinë nuk luan kufiri asnjë metër.
“Nuk guxon askush të luaj kufij, të tentojë të bëj korrigjim të kufirit, të shkëmbejë territore”, është shprehur Haradinaj.Haradinaj ka thënë se bëhet fjalë për një retorikë publike për kufij. “Kontrata jonë është Kushtetuta e Republikës së Kosovës. Nuk guxojmë të krijojmë Kushtetutë të re”, ka theksuar ai.Sipas tij çdo lëvizje e re shkakton luftë të re në Ballkan.
