6 orë më parëDitë e zakonshme në veri, banorët thonë se nuk kanë bërë diçka që cenon Republikën
Periskopi(8 vite më parë)
(8 vite më parë)Banorët e Veriut të Kosovës e kanë kaluar një ditë të zakonshme. Edhe pse ishte paralajmëruar se mund të ketë lëvizje në këtë pjesë të Kosovës asgjë s’ka ndodhur. Te liqeni i Ujmanit banorët janë freskuar. E, Kryetari i Mitrovicës jugore ka paralajmëruar masa ndëshkuese nëse dikush shkel ligjin. Përkundër paralajmërimeve se mund të kishte […]
Përkundër paralajmërimeve se mund të kishte telashe në Veri, qytetarët e kësaj ane të dielën kishin dalë për tu freskuar në liqenin e Ujmanit.
Situatë e qetë ishte edhe në pjesën veriore të Mitrovicës.
Qetë ishte edhe në pjesën jugore të Mitrovicës. Këtë e konfirmon zëdhënësi i policisë Avni Zahiti.
E kryetari i Mitrovicës Jugore, Agim Bahtiri, po ju bën apel serbëve të Veriut që t’i respektojnë ligjet e Kosovës, në të kundërtën do të ndëshkohen.
I pari i Mitrovicës u shpreh i bindur që me Serbinë nuk do të bisedohet për shkëmbim territoresh apo ndarje të Kosovës.
Pas paralajmërimit të priftit Sava Janjiq se serbët do të shpallin autonominë e veriut, kjo çështje mori vëmendjen edhe të udhëheqësve të Kosovës.
Kryeministri Ramush Haradinaj kishte paralajmëruar se do të vepronin nëse rrezikohet siguria e vendit.
Kosova prej pasluftës përballet me problemin e Veriut të Kosovës. Kur është shpallur pavarësia më 2008 ishin djegur pikat kufitare. Ndërkohë, më 2011 ishte vrarë një polic i Kosovës, në përpjekje për të shtrirë sovranitetin në këtë pjesë të Kosovës.
