Bekim Jashari: Turpi nuk paska fund

Bekim Jashari, kryetari i komunës së Skenderajt dhe njëherë nip i familjes Jashari, ka reaguar lidhur me sheshin e Prishtinës që mban emrin “Adem Jashari” e që edhe me renovimin që iu bë së fundmi, nuk ka asnjë shtatore a bust të heroit kombëtar Adem Jashari.

I pari i Skenderajt e ka cilësuar të pakuptueshme që ky shesh të mos ketë shtatoren e Adem Jasharit, e në qendër të tij të jetë trekëndëshi i Vëllazërim Bashkimit, duke e quajtur turp një veprim të tillë të Komunës së Prishtinës.

Ai duke shpërndarë regimin kritikues të Enver Dukollit, për këtë shesh, ka thënë se veprimet e këtyre personave le të mbesin në ndërgjegjen e tyre.