5 orë më parëBE-së nesër i dorëzohet draft-statuti antikushtetues i Asociacionit
Periskopi(8 vite më parë)
(8 vite më parë)Të shtunën kalon afati katërmujor i Bashkimit Evropian për hartimin e draftstatutit të Asociacionit të Komunave me Shumicë Serbe. Ekipi menaxhues e ka përgatitur këtë draft në bazë të Marrëveshjes së Brukselit dhe duke i anashkaluar rekomandimet e Gjykatës Kushtetuese të Kosovës. Nesër përfundon afati i dhënë nga Bashkimi Evropian për hartimin e draftstatutit të Asociacionit […]
Të shtunën kalon afati katërmujor i Bashkimit Evropian për hartimin e draftstatutit të Asociacionit të Komunave me Shumicë Serbe. Ekipi menaxhues e ka përgatitur këtë draft në bazë të Marrëveshjes së Brukselit dhe duke i anashkaluar rekomandimet e Gjykatës Kushtetuese të Kosovës.
Nesër përfundon afati i dhënë nga Bashkimi Evropian për hartimin e draftstatutit të Asociacionit të Komunave me Shumicë Serbe. Qeveria e Kosovës ende nuk e ka pranuar draftin, për të cilin shpreson se do të jetë brenda kornizave kushtetuese, shkruan Zëri.
Ndërsa ministri i Pushtetit Lokal, Ivan Todosjeviq, para pak ditësh ka deklaruar se ekipi menaxhues është duke hartuar një draftstatut në bazë të Marrëveshjes së Brukselit duke anashkaluar Kushtetutën e Kosovës.
Kjo deklaratë e tij ka ngjallur reagim si nga ana e pozitës, ashtu edhe të opozitës, të cilët për gazetën “Zëri” kanë thënë që i vetmi version i pranueshëm është ai ku nuk shkelet Kushtetuta e Kosovës, ndërsa një pjesë e opozitës është deklaruar që assesi nuk do ta pranojë Asociacionin dhe nëse një gjë e tillë ndodh ata kanë paralajmëruar masa deri në zhbërjen e këtij vendimi.
